“Jemi sjellë butë me mazhorancën”, Asllan Dogjani: Mendojnë se ne kemi frikë, nuk duhet të jemi kaq të sjellshëm

Deputeti i Partisë Demokratike, Asllan Dogjani foli ditën e sotme në lidhje Skype për Fax News.

Ai komentoi për gazetarin Albi Rakip, aksionin e fundit opozitar në parlament me protestën para Parlamentit, përplasjen me Gardën dhe bllokimin e Komisionit të Reformës Zgjedhore.

Dogjani thotë se si opozitë janë treguar shumë të butë dhe të sjellshëm me mazhorancën. Kjo ka bërë sipas tij që ata të jenë më arrogantë dhe të përjashtojnë vazhdimisht deputetët opozitarë nga seancat.

Por shton ai, opozita nuk duhet të jetë më kaq e sjellshme dhe kaq e butë, pasi e marrin për dobësi.

Asllan Dogjani: Nuk është hera e parë që unë dhe kolegë jemi të përjashtuar. Jam mbi 2 muaj e ca… e shoh pak te vetja jonë përjashtimin nga parlamenti. Jemi treguar shumë të butë dhe të sjellshëm, duke e parë se ne sillemi butë sillen kundraligjshëm me ne. Mendojnë se ne kemi frikë dhe vazhdojnë me masa represive duke na përjashtuar. Kjo na bën të reflektojmë si deputet dhe të mos sillemi butë me mazhorancën. Na janë hequr të gjitha të drejtat. Dje Rama kishte nxjerrë gardën dhe na ndaloi dhe bëmë përpjekjet tona për të hyrë atje ku qyetarët na kanë ftuar. Kjo e drejtë na u mohua. Duke u sjellur butë me ta mendojnë se ne kemi frikë. Harrojnë se çfarë bënin vetë këta kur ishin në opozitë. Kur na shohin kaq të sjellshëm. Nuk duhet të jemi kaq të butë.