Vizita e Anthony Blinken ka angazhuar rreth 1000 forca policore në terren. I gjithë perimetri nga korpusi i Universitetit deri te rruga e Bankës së Shqipërisë është një perimetër i sigurisë së lartë. Është vetëm prezenca e mediave dhe gazetarëve që raportojnë për vizitën e numrit dy të SHBA në Shqipëri.
Gazetari i Fax News, Elis Memelli raporton live nga Bulevardi “Dëshmorët e Kombit”. Në terren janë të angazhuar edhe forcat speciale RENEA, teksa bëhet me dije se po ashtu në terren është edhe Drejtori i Përgjithshëm i Policisë së Shtetit, Muhamet Rrumbullaku.
Blinken tashmë ka zbarkuar në Rinas dhe eskorta e tij pritet të vijë drejt bulevardit kryesor në Tiranë ku do të ketë një takim në presidencë me Bajram Begajn. Më pas priten takime me afganët e strehuar në Shqipëri, aplikantë për vizë në SHBA.
Gjithashtu do të ketë takime me punonjës të ambasadës amerikane dhe të rinj shqiptarë që kanë studiuar në Shtetet e Bashkuara me programin “Full-Bright”.
Në fund, Blinken do të takojë në kryeministri Edi Ramën, me të cilin do të mbajë edhe një konferencë për mediat në orët e pasdites.
Discussion about this post