Kili do të përpiqet edhe një herë të zgjidhë misterin e asaj që me të vërtetë vrau poetin nobelist Pablo Neruda, i cili shumë besojnë se u helmua nga diktatura e Augusto Pinochet.
Një gjykatë apeli në Santiago urdhëroi rihapjen e hetimeve për vdekjen e Nerudës, i cili ishte një anëtar i shquar i Partisë Komuniste të Kilit kur diktatori ushtarak Augusto Pinochet mori pushtetin në 1973. Në një deklaratë, gjykata tha se “hetimi nuk është ezauruar pasi ka procedura të sakta që mund të kryhen për zbardhjen e fakteve”. Neruda ishte përgatitur të ikte në mërgim në Meksikë për të udhëhequr rezistencën kundër regjimit të Pinochet-it, kur vdiq në spital vetëm 12 ditë pas grushtit të shtetit.
Qeveria pretendoi se 69-vjeçari kishte vdekur nga kanceri i prostatës. Një hetim për shkakun e vdekjes së Nerudës filloi në vitin 2011 kur Manuel Araya – shoferi dhe asistenti i tij personal – pohoi se poetit iu dha një injeksion misterioz në gjoks pak para se të vdiste. Araya vdiq në qershor të vitit të kaluar, në moshën 77-vjeçare.
Eshtrat e Nerudës u zhvarrosën në vitin 2013 për t’u testuar për gjurmë helmi dhe u kthyen për varrim tre vjet më vonë.
Discussion about this post