Një 26-vjeçar shqiptar ka humbur jetën në Greqi pas një aksidenti automobilistik. Siç bëjnë me dije mediat greke, ngjarja ndodhi në Volos, ku i riu u aksidentua për vdekje në aksin Sesklou-Volos.
Aksidenti tragjik ndodhi kur shqiptari po kthehej nga Rizomylos, ku ai kishte shkuar për të parë një ndeshje futbolli mes Asteras dhe Theseas Agrias.
Ai po udhëtonte me motoçikletën e tij, kur siç dyshohet mjeti i tij rrëshqiti dhe 26-vjeçari doli nga rruga duke u përplasur me parmakët ndarës.
Shqiptari është identifikuar si Serxho Sula dhe jetonte në Nea Ionia Volos. Kur auto-ambulanca mbërriti në vendngjarje ishte tepër vonë pasi viktima kishte ndërruar jetë. Sakaq, grupi hetimor po shqyrton rrethanat e plota të aksidentit fatal.
Discussion about this post