Mëngjesin e sotëm Izraeli nisi një sulm ndaj Iranit në shenjë hakmarrjeje. Pas sulmit me mbi 300 dronë e raketa, Izraeli kishte paralajmëruar se do t’i kundërpërgjigjet Iranit.
Shpërthime ka pasur në Isfahan, pranë një baze ushtarake. 3 shpërthime janë dëgjuar, ndërsa autoritetet iraniane thonë se kanë rrëzuar të tre dronët e nisur nga Izraeli.
Pas sulmit, Teherani aktivizoi sistemin e mbrojtjes ajrore, ndërsa tha se centralet bërthamore janë të sigurta. Mediat shtetërore iraniane një gjeneral ushtrie thonë se nuk ka viktima apo dëme.
Si pasaojë e sulmit u pezulluan fluturimet në disa aeroporte, ndërsa tashmë gjendja është kthyer në normalitet. Fluturimet kanë nisur edhe në aeroportin kryesor të Teheranit, Imam Khomeini.
Ndërkohë ushtria izraelite nuk ka komentuar asnjë sulm. Izraeli i kishte thënë SHBA-së të enjten se do të hakmerrej kundër Iranit në ditët në vijim, tha një zyrtar i lartë amerikan për CNN.
Hkmarrja e dukshme izraelite vjen vetëm disa ditë pasi Irani lëshoi qindra dronë dhe raketa drejt Izraelit, shumica e të cilave u shkatërruan nga Izraeli dhe aleatët e tij.
Sulmi ka ngjallur frikë për një përshkallëzim të madh të konfliktit, pasi tensionet rajonale janë rritur që nga fillimi i luftës midis Izraelit dhe Hamasit.
Discussion about this post