Një ngjarje e rëndë ka ndodhur këtë pasdite në Podujevë, Kosovë ku si pasojë e një konflikti kanë mbetur të plagosur me armë zjarri 3 persona dhe një tjetër me thikë.
Zëdhënësja e policisë për rajonin e Prishtinës, Flora Ahmeti ka dalë në një deklaratë ku ka bërë të ditur se tre nga burrat janë plagosur nga arma e zjarrit, ndërsa një person tjetër është therur me thikë.
“Sot rreth orës 16:00 kemi marrë informatën për të shtëna me armë zjarri në fshatin Lupç të Podujevës. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme.
Bazuar në të dhënat e deritanishme në këtë rast janë plagosur nga arma e zjarrit tre persona, ndërsa një person ka pësuar lëndime nga arma e ftohtë (thikë). Hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit” – thuhet në përgjigjen e Ahmetit.
Discussion about this post