Një aksident ka ndodhur në aksin rrugor Korçë-Dardhë disa minuta më parë. Mësohet se shoferi Xh.K ka humbur kontrollin e automjetit ku ky i fundit ka dalë nga rruga. Si pasojë është dëmtuar pasagjerja e automjetit dhe ndodhet jashtë rrezikut për jetën në spitalin e Korçës.
Njoftimi i Policisë:
Korçë/Informacion paraprak
Më datë 23.05.2024, rreth orës 13:35, në aksin rrugor “Korçë-Dardhë”, pranë pistës së skive, shtetasi Xh. K., duke drejtuar automjetin e tij, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar shtetasja E. K., pasagjere në mjet, e cila u dërgua për mjekim në spitalin e Korçës.
Grupi hetimor po kryhen veprimet e mëtejshme procedurale dhe po punon për përcaktimin e shkaqeve të aksidentit.
