14:53 | 10/07/2025
Nuk ka rezultat
View All Result
FaxWeb
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
Nuk ka rezultat
View All Result
FaxWeb
Nuk ka rezultat
View All Result
Fillimi Aktualitet

Gjyqi penal ndaj ish-presidentit Trump, sot argumentet përfundimtare

17:00 | 28/05/2024
në Aktualitet, Bota, Kryesore, Te Fundit, Te Gjitha
0
Gjyqi penal ndaj ish-presidentit Trump, sot argumentet përfundimtare

Prokurorët dhe avokatët e ish-presidentit Donald Trump po paraqesin sot argumentet përmbyllëse në gjyqin penal kundër tij mbi manipulimin e të dhënave të biznesit.

Kjo do të jetë përpjekja e fundit e palëve për të ndikuar tek një juri prej 12 anëtarësh, e cila do të vendosë nëse zoti Trump është fajtor ose jo.

Zoti Trump përballet me 34 akuza për falsifikim të të dhënave të biznesit, që zakonisht konsiderohet si një kundërvajtje sipas ligjeve të Nju Jorkut. Por prokurorët thonë zoti Trump i falsifikoi të dhënat e biznesit për fshehur një krim të tjetër, atë të shkeljes potenciale të ligjit për financimin e fushatës zgjedhore.

Në qendër të gjyqit është shuma prej 130,000 dollarësh, me të cilën ish-avokati i zotit Trump, Michael Cohen pagoi ish-aktoren e filmave pornografikë Stormy Daniels, për të siguruar heshtjen e saj mbi një marrëdhënie të dyshuar seksuale me zotin Trump.

Më pas sipas aktakuzës zoti Trump e rimbursoi zotin Cohen dhe pagesën e regjistroi si shpenzim ligjor të kompanisë. Pagesa u bë ndërsa zoti Trump po kandidonte për zgjedhjet presidenciale të vitit 2016.

Ky mashtrim me të dhënat e biznesit, i bërë për të ndikuar në fushatën zgjedhore përbën krim penal, pasi sipas prokurorisë, zoti Trump ka shkelur ligjin zgjedhor dhe ligjet e shtetit të Nju Jorkut për taksat.

Zoti Trump i ka hedhur poshtë pretendimet se ka patur një marrëdhënie seksuale me zonjën Daniels në vitin 2006.

Ai është deklaruar i pafajshëm dhe mohon të ketë shkelur ligjin.

Avokatët e tij kanë lënë të kuptohet se pagesa prej 130,000 dollarësh për të siguruar heshtjen e zonjës Daniels kishte për qëllim që të shmangte një situate të sikletshme që mund të krijohej me familjen e zotit Trump dhe jo për të mos dëmtuar shanset e tij për Shtëpinë e Bardhë. Por prokurorët pritet të citojnë dëshmi për të argumentuar të kundërtën.

Gjatë procesit gjyqësor, ekipi ligjor i zotit Trump thirri dy dëshmitarë, po jo ish-presidentin.

Avokatët mbrojtës janë përpjekur të ngrenë dyshime mbi besueshmërinë e dëshmitarëve të prokurorisë, kryesisht të dëshmitarit kryesor të saj, Michael Cohen. Ky i fundit tha në dëshminë e tij se ishte ai që pagoi zonjën Daniels dhe se zoti Trump e kishte miratuar një gjë të tillë dhe se ishte në dijeni të regjistrimit të tyre në mënyrë të paligjshme, si shpenzime ligjore.

Gjatë marrjes në pyetje, avokatët e zotit Trump ndoqën strategjinë e vënies në pikëpyetje të besueshmërisë së zotit Cohen. Ata e pyetën atë lidhur me dënimet e mëparshme të tij, përfshirë rastin kur ai është dënuar se ka gënjyer nën betim, apo dhe mbi konfliktet e vazhdueshme me ish-shefin e tij. Gjatë njërës prej dëshmive zoti Cohen pranoi se kishte vjedhur me mijëra dollarë nga kompania e zotit Trump.

Nëse shpallet fajtor, zoti Trump përballet me deri katër vjet heqje lirie.

Megjithatë dënimi nuk do t’i pengonte përpjekjet e zotit Trump për të rimarrë Shtëpinë e Bardhë në një garë përballë presidentit demokrat Joe Biden, apo që të merrte detyrën në rast të një fitoreje. Sondazhet tregojnë një garë të ngushtë mes dy kandidatëve.

Zoti Trump përballet gjithashtu edhe me tre çështje të tjera penale, por asnjera prej tyre nuk ka gjasa të shkojë në gjyq përpara zgjedhjeve të 5 nëntorit.

Në dy çështjet që po gjykohen në Uashington dhe Xhorxhia zoti Trump akuzohet për përpjekje të paligjshme për të përmbysur rezultatin e zgjedhjeve të vitit 2020, ndërsa në një çështje tjetër penale, në Florida, ai akuzohet për mbajtjen e qëllimtë, në shkelje të ligjit, të dokumenteve të klasifikuara, të cilat i mori pasi u largua nga detyra në vitin 2021.

Zoti Trump është deklaruar i pafajshëm në të gjitha rastet dhe thotë se ato janë një përpjekje të demokratëve për të minuar shanset e tij pët t’u rizgjedhur./VOA

Pas

Përdhunoi 18-vjeçaren me aftësi të kufizuara në Ferizaj, ngrihet akuzë ndaj një personi

Para

Papa kërkon falje, pasi u raportua se përdori term fyes homofobik

Para
Papa kërkon falje, pasi u raportua se përdori term fyes homofobik

Papa kërkon falje, pasi u raportua se përdori term fyes homofobik

Discussion about this post

 



Të Fundit

Mbytja e 23-vjeçarit në Mat, nis operacioni për nxjerrjen e makinës nga liqeni i Shkopetit

Vijon operacioni “Plazhi i lirë”, sekuestrohen 120 komplete çadra dhe shezlongë në plazhin e Shkëmbit të Kavajës

Dha jetën për shpëtimin e turistëve në Shkodër, Rama: Arben Anamali, u prehsh në paqe Dëshmor i Atdheut

E Ngarkuara me Punë e SHBA takohet me Dumanin: Vlerësojmë bashkëpunimin e SPAK në luftën kundër krimit ndërkombëtar

Përleshje mes 4 vëllezërve dhe pesë të tjerëve në një lokal në Librazhd, dy të arrestuar dhe dy të shpallur në kërkim

Ministri Vengu, vizitë në Bazën e Mbështetjes dhe Emergjencave Civile: Rritje e kapaciteteve për modernizim të plotë

Finalizohet operacioni “Identiteti”, vihet në pranga 21-vjeçari që mashtronte me karta identiteti false

Vrau efektivin e “Shqiponja”-ve me plumb në kokë, prokuroria kërkon burg të përjetshëm për Azgan Mërnica

Debate në forta në seancën e dosjes “Plumbi i artë”,3 avokatë përplasen me prokurorin, braktisin seancën

Qeveria izraelite: Armëpushimi i përhershëm në Gaza është i dyshimtë

© Copyright 2025, Të Gjitha të Drejtat e Rezervuara, Dev by Techzero1.com.

Nuk ka rezultat
View All Result
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione

© Copyright 2025, Të Gjitha të Drejtat e Rezervuara, Dev by Techzero1.com.