Në orët e para të mëngjesit të sotëm është regjistruar një shpërthim me tritol. Ngjarja ndodhi rreth orës 04:00, në lagjen “Tepe” ndërkohë lënda plasëse ishte vendosur në automjetin e një efektivi policie.
Tritoli ishte vendosur në automjetin e 50-vjeçarit Kastriot Selimaj. Sipas raportimeve lënda plasëse ishte vendosur në gomën e pasme të makinës e cila ishte e parkuar në oborrin e banesës. Nga pamjet e publikuara duken dy persona të veshur me pardesy te zezë të cilët tentojnë të kalojnë rrethimin e banesës.
Gjithashtu kanë dalë pamje nga vendi i ngjarjes nga ajo që ka mbetur pas nga shërthimi. Nga pamjet duket se mjeti është dëmtuar dhe janë thyërxhamat e makinës. Në vendngjarje kanë shkuar forcat e Policisë të cilat vijojnë kontrollin në zonë. Ndërkohë grupi hetimor nën drejtimin e Prokurorisë po kryen veprimet për sqarimin e rrethanave të ngjarjes, identifikimin dhe kapjen e autorit/eve.
Discussion about this post