Pamela Anderson mbush 57 vjeç, bën postimin e veçantë nga kopshti i shtëpisë: Më e lumtur se kurrë

Aktorja kanadezo-amerikane Pamela Anderson mbush 57 vjeç ditën e sotme dhe falenderoi të gjithë ata që e uruan për ditën e veçantë.

Aktorja e njohur, e cila tashmë merret me gatim, madje ka nxjerrë edhe librin e saj me receta, në postimin e saj është shprehur se “është më e lumtur se kurrë”.

Në veçanti, Pamela Anderson publikoi një sërë fotosh në llogarinë e saj personale. Në njërën prej tyre shihet e buzëqeshur duke u marrë me bimët, ndërsa në fotot e tjera u ka treguar miqve online kopshtin e saj.

Në mbishkrimin e postimit të saj, ajo shkroi: Më e lumtur se kurrë…Faleminderit për të gjithë dashurinë dhe urimet tuaja për ditëlindje. Me dashuri, P.