“Ka një sulm të organizuar për të dëmtuar turizmin”- Rama ngre alarmin: Sistemet tona të sigurisë kanë ndezur dritën e kuqe

“Ka një sulm të organizuare për të dëmtuar turizmin shqiptar. Kam folur me kryetarët e bashkive bregdetare. Të gjithë janë të skandalizuar nga shumë video, lajme, komente të rreme të manipuluara që duan të thonë që këtu nuk ka ardhur njeri. Natyrisht që faktet janë në terren.

Ky sulm i organizuar vjen nga disa anë. Sistemet tona të sigurisë kibernetike kanë ndezur dritën e kuqe  për këtë. Janë shumë profile false që përdoren për këtë sulm.

Pjesë e këtij sulmi është edhe një përpjekje e ulët për të thënë që shqiptarët e Kosovës e kanë braktisur Shqipërinë. Fakti është që nga janari në qershor ka 1.7 milionë qytetarë të Kosovës që kanë hyrë në Shqipëri”, tha Rama.