Ndryshimet në Kodin Zgjedhor/ Rama fton emigrantët: Bujrum të vendosim bashkë, kush do të drejtojë punët në shtëpinë tonë të përbashkët

Kryeministri Edi Rama, në fjalën e tij nga Kongresi Zgjedhor i PS, foli mes të tjerash edhe në lidhje me votën e diasporës.

Ai u shpreh se sot ndihet i lehtësuar që pas ndryshimeve në Kodin Zgjedhor, mundësohet edhe vota e shqiptarëve të cilët jetojnë jashtë vendit.

“Kurrë nuk është vonë për të vënë në vend një të drejtë për shqiptarët në botë
U them sot i lehtësuar Bujrum, Shqipëria është vendi ynë për të votuar. Nëse nuk vini këtu dërgojeni votën me postë për të vendosur bashkë kush duhet ti drejtojë punët e shtëpisë tonë të përbashkët”, tha ai.