Aksident i rëndë në aksin rrugor Levan-Kafaraj, makina del nga rruga, humb jetën drejtuesi i mjetit

Një aksident është regjistrur në aksin rrugor Levan-Kafaraj, në Fier. Sipas raportimeve një makinë tip “Benz” ka humbur kontrollin dhe ka dalë nga rruga. Pas aksidentit mjeti ka rënë në kanal. Fatkeqësisht drejtuesi i mjetit një Aurel Yzeiraj 34-vjeç nuk ka mundur të përballojë plagët dhe ka ndërruar jetë. Policia bën me dije se grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Njoftimi i policisë;

Fier/ Informacion paraprak. Rreth orës 20:30, në fshatin Kafaraj, shtetasi A. Y., 34 vjeç, duke drejtuar automjetin, ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë e daljes së automjetit nga rruga, shtetasi A. Y., ka humbur jetën. Grupi hetimor ndodhet në vendngjarje dhe po punon për sqarimin e plotë të rrethanave të aksidentit.