Presidenti i SHBA, Joe Biden paralajmëron sërish Iranin kundër ndonjë sulmi ndaj Izraelit, siç është zotuar të bëjë Teherani që nga vrasja në tokën e tij të shefit politik të Hamasit, Ismail Haniyeh. Në një video që qarkullon në mediat sociale, Biden shihet duke u pyetur nga gazetarët teksa del nga një kishë.
Një nga pyetjet ishte, “Cili është mesazhi juaj për Iranin?”
Në përgjigje, Biden thotë fjalën “mos”, përpara se të hyjë në automjetin e tij. Kjo fjalë u përdor në mënyrë të famshme nga Biden për të paralajmëruar armiqtë e Izraelit disa ditë pas sulmit të Hamasit të 7 tetorit, dhe përsëri për të paralajmëruar Iranin në prill përpara sulmit të tij të drejtpërdrejtë me raketa dhe dron ndaj shtetit hebre.
