Nga dhuna në familje te plagosja e rëndë me dashje, 5 të arrestuar në Tiranë

Pesë persona kanë përfunduar në pranga në Tiranë, pasi akuzohen për vepra të ndryshme penale. Një 30-vjeçar u arrestua se u kap me sasi lënde të dyshuar narkotike kanabis dhe një peshore elektronike.

Ndërkohë  një 58-vjeçare u ndalua sepse ishte dënuar me 1 vit burgim, për veprën penale “Mospagimi i taksave dhe tatimeve”, i kryer në bashkëpunim.

Dy të tjerë akuzohen se kanë ushtruar dhunë ndaj nënës dhe vajzë. Një tjetër 30-vjeçar u arrestuar sepse ishte shpallur në kërkim për veprën penale “Plagosja e rëndë me dashje” kryer në bashkëpunim.

NJOFTIMI I POLICISË:

Tiranë/Arrestohen 5 shtetas, për vepra të ndryshme penale.

Specialistët për Hetimin e Narkotikëve arrestuan shtetasin F. F., 30 vjeç, banues në Tiranë, pasi gjatë kontrollit fizik shërbimet e Policisë i gjetën dhe sekuestruan, në cilësinë e provës materiale, sasi lënde të dyshuar narkotike kanabis dhe një peshore elektronike.

Specialistët e Sektorit për Hetimin e Krimeve Ekonomike dhe Financiare ndaluan shtetasen M. P. (Sh.), 58 vjeçe, banuese në Tiranë, pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 1 vit burgim, për veprën penale “Mospagimi i taksave dhe tatimeve”, i kryer në bashkëpunim.

Specialistët për Hetimin e Krimeve të Komisariatit të Policisë Nr. 4 arrestuan shtetasit:

– E. N., 35 vjeç, banues në Tiranë, pasi dyshohet se ka ushtruar dhunë ndaj nënës së tij;

– O. H., 58 vjeç, banues në Tiranë, pasi dyshohet se ka ushtruar dhunë ndaj vajzës së tij.

Gjithashtu, po nga këta specialistë u ndalua shtetasi B. Q., 30 vjeç, banues në Tiranë, shpallur në kërkim për veprën penale “Plagosja e rëndë me dashje” kryer në bashkëpunim, parashikuar nga neni 88/1 dhe 25 i Kodit Penal.

Materialet i kaluan Prokurorisë.