Një burrë u qëllua për vdekje në stacionin kryesor të trenit të Frankfurtit të martën mbrëma, tha një zëdhënës i policisë në metropolin gjerman. Vrasja u krye rreth orës 21:00 përpara shinave hekurudhore, shpjegoi zëdhënësi, duke theksuar se sulmuesi u përpoq të arratisej, por u arrestua nga policia pak metra larg vendit të ngjarjes.
Ndaj tij është duke u ngritur një hetim dhe ai do të sillet para gjykatës më vonë këtë mëngjes, sipas zëdhënësit. Motivi nuk është ende i qartë. Policia në këtë fazë nuk ka dhënë detaje as për viktimën dhe as për autorin.
Stacioni i trenit, një nga më të ngarkuarit në të gjithë Gjermaninë, u mbyll për rreth 25 minuta pas vrasjes për shkak të operacionit të policisë. Kjo po vazhdonte herët në mëngjes, me mjekësinë ligjore, ekspertët balistikë dhe Prokurorinë e Krimeve të Jetës që po punonin ende në vendngjarje, sipas autoriteteve. Vetëm pjesa e stacionit ku ndodhi vrasja mbeti e rrethuar. Oraret e trenave janë duke ecur normalisht.
