Vangjel Tavo gati të betohet si kryebashkiak i Himarës, sot mblidhet KQZ për t’i dhënë mandatin

Pasi opozita humbi betejën edhe në Kolegjin Zgjedhor, Vangjel Tavos do t’i jepet zyrtarisht sot mandati si kryebashkiak i Himarës. Komisioni Qendror i Zgjedhjeve mblidhet sot 10:30 për t’i dhënë mandatin Tavos, duke i hapur kështu rrugë betimit në Këshillin Bashkiak.

Çështje për shqyrtim rishtas: 1.  Projektvendim “Për dhënien e mandatit të Kryetarit të Bashkisë Himarë, Qarku Vlorë z. Vangjel Tavo, i propozuar nga subjekti zgjedhor “Partia Socialiste e Shqipërisë”, për zgjedhjet e pjesshme për Kryetar të Bashkisë Himarë të datës 4 gusht 2024”.

Si KAS ashtu edhe Kolegji Zgjedhor certifikuan zgjedhjet në Himarë, duke vlerësuar se rezultati është i pakontestueshëm, pasi nuk është konstatuar asnjë shkelje që do të ndryshonte rezultatin zgjedhor.