Për ndarjen nga jeta të ish-deputetit të Partisë Demokratike kanë ardhur reagime të shumta edhe nga radhët politike të Partisë Socialiste. Kryetari i grupit Parlamentar, Niko Peleshi, dhe deputeti, Bledi Çuçi me anë të një postimi në facebook shprehin ngushëllimet e tyre për familiarët e Bogdanit.
Teksa e konsiderojnë të ndjerin një zë fryemëzues në politikën shqiptare, ata shprehen se është e vështirë të zbusësh peshën e dhimbjes për këtë rast tronditës.
Reagimi i Peleshit:
Tronditës lajmi për ndarjen e parakohshme nga jeta të kolegut tonë Gerti Bogdani. Një zë frymëzues në politikën shqiptare, në mbështetje të të rinjve dhe profesionistëve.
U prehsh në paqe, Gerti!
Reagimi i Çuçit:
Lajm i kobshëm ndarja e papritur nga jeta e kolegut tonë dhe ish-deputetit, Gerti Bogdani. Zor të gjesh fjalë që zbusin peshën e rëndë të dhimbjes e të zemrave të bëra gur prej tronditjes. Ngushëllime bashkëshortes, fëmijëve e familjarëve të Gertit. U prehsh në paqe dhe dritë të pastë shpirti
