E rëndë, digjet banesa në Has, ndërrojnë jetë nënë e bir

Një ngjarje e përmasave tragjike ka ndodhur mbrëmë në Has, teksa raportohet se nënë e bir kanë ndërruar jetë.

Dyshohet se shtëpia ku ata banonin është përfshirë nga flakët, me djalin që ka hyrë për të shpëtuar nënën, por fatkeqësisht nuk ka mundur.

Has/Informacion paraprak

Rreth orës 02:00, në fshatin Nikoliq, dyshohet se aksidentalisht ka rënë zjarr në banesën e shtetasit R. L.

Si pasojë e zjarrit, kanë humbur jetën shtetasi R. L. dhe nëna e tij, shtetasja F. L., ndërsa bashkëshortja e shtetasit R. L., shtetasja A. L., ka mundur të dalë nga banesa.

Grupi hetimor, në drejtimin e prokurorit, po punon për përcaktimin e shkakut të rënies së zjarrit.