Një 48-vjeçar në kërkim për një tentativë për vrasje me armë zjarri, është vendosur në pranga teksa po tentonte të dilte nga Shqipëria nëpërmjet pikës kufitare Morinë. Fatmir Kërtusha dyshohet se në vitin 2023 për shkak të një konflikti për motive të dobëta ka qëlluar me armë zjarri në drejtim të automjetit me të cilin lëvizte personi me inicialet F. Sh, ku fatmirësisht nuk pati asnjë të palgosur.
Ngjarja ka ndodhur në lagjen nr.18 në Durrës.
Sipas informacioneve të policisë Gjykata e Durrësit i ka caktuar masën e sigurisë “Arrest në burg”, për veprat penale “Vrasja me dashje”, mbetur në tantativë dhe “Mbajtja pa leje dhe prodhimi i armëve, armëve shpërthyese dhe i municionit”.
Njoftimi i policisë:
Si rezultat i verifikimeve, koordinimit të punës dhe të informacioneve, me shërbimet e Policisë Kufitare të PKK Morinë, për një shtetas të ndaluar në tentativë për të dalë nga Shqipëria, ndërkohë që ishte në kërkim si autor i dyshuar i një tentative për vrasje me armë zjarri, të kryer një vit më parë, në Durrës, Komisariati i Policisë Durrës vuri në pranga shtetasin Fatmir Kërtusha 48 vjeç, banues në Durrës.
Për këtë shtetas, Gjykata e Durrësit ka caktuar masën e sigurisë “Arrest në burg”, për veprat penale “Vrasja me dashje”, mbetur në tantativë dhe “Mbajtja pa leje dhe prodhimi i armëve, armëve shpërthyese dhe i municionit”.
Në vitin 2023, dyshohet se për shkak të një konflikti për motive të dobëta, në rrugë, në lagjen nr. 8, shtetasi F. K. ka qëlluar me armë zjarri, në drejtim të automjetit me të cilin lëvizte shtetasi F. Sh.. Nga të shtënat nuk pati shtetas të dëmtuar.
Materialet procedurale i kaluan Prokurorisë së Durrësit, për veprime të mëtejshme.
Discussion about this post