Ka humbur jetën në spital drejtuesi i autobotit, i cili u përmbys këtë mbrëmje në aksin Lushnje-Berat.
Sipas njoftimit të policisë, shtetasi P. P. i cili drejtonte një autobot të mbushur me karburant është përplasur me një mjet bujqësor dhe si pasojë ka përfunduar në kanal. Nxjerrja e shoferit u bë pas 1 ore pasi policia nuk mundësonte mjete për të ngritur autobotin.
Fier/ Informacion paraprak
Rreth orës 18:30, në aksin rrugor “Lushnjë-Berat”, një autobot i ngarkuar me lëndë hidrokarbure me drejtues shtetasin P. P., është përplasur me një mjet bujqësor me drejtues shtetasin A. T.
Nga përplasja ka humbur jetën në spital drejtuesi i autobotit, shtetasi P. P.
Ndërkohë shërbimet e Policisë kanë shoqëruar shtetasin A. T., në Komisariatin e Policisë Lushnjë për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
