Partia Socialiste pritet të depozitojë në Kuvend kërkesën për marrjen e masave për përjashtim të 3 deputetëve të PD, që dje në sallën e seancave plenare nuk lejuan zhvillimin normal të saj ditën e djeshme (17 tetor).
Burime për Report Tv bënë me dije se në shkresën që ende nuk është hartuar, drejtuar Sekretariatit të Etikës, pritet të kërkohet masë disiplinore për deputetët: Elda Hoti, Albana Vokshi dhe Petrit Doda.
Gjatë seancës së djeshme, Hoti u pa teksa spërkaste nga disa kuti të vogla sallën e Parlamentit dhe pengoi seancën, teksa u dyshua se ishin me përmbajtje lënde djegëse benzinë. Vetë Hoti tha se ishte aromatizues, kurse verifikimet vijojnë.
Petrit Doda u pa teksa mblidhte karriget e Kuvendit pranë foltores dhe pengonte zhvillimin normal të punimeve. Gjithashtu edhe deputetja Albana Vokshi sulmoi verbalisht dhe tentoi t’i afrohej fizikisht për t’i sulmuar apo penguar kolegët e saj të mazhorancës, veçanërisht Petro Koçin.
Më parë janë përjashtuar me 10-60 ditë edhe 24 deputetë të opozitës, pas kaosi në seancën e 30 Shtatorit dhe djegies së karrigeve të Kuvendit.
Discussion about this post