“Nuk e di ku ndodhet”, Tedi Blushi për arrestimin e Metës: Kemi të bëjmë me një pengmarrje kriminale, do marrë përgjigje shembullore

Sekretari i Përgjithshëm i Partisë së Lirisë Tedi Blushi ka folur pas arrestimit të Presidentit të Partisë së Lirisë Ilir Meta.

“Kemi të bëjmë me një pengmarrje kriminale, akt kriminal të një strukturë kriminale terroriste guxon të rrëmbejë në mes të ditës ish-Presidentin e Republikës, ish-kryeministrin dhe ish-kryetarin e Parlamentit. Nuk e di ku ndodhet dhe kjo është një fatkeqësi. Kjo tregon gjendjen skandaloze, aktin e rëndë kriminal që do të marrë përgjigje shembullore nga të gjithë shqiptarët patriotë dhe të ndershëm”, deklaroi Blushi.