“Mospagimi i kontributeve ka pasoja shumë të rënda”- Drejtori i ISSH-qytetarëve: Kur të dilni në pension, e pamundur të korrigjohet!

Drejtori i ISSH, Astrit Hado u shpreh se është jetike sigurimi dhe pagimi i kontributeve në pagë reale.

Ai thekson se mosdeklarimi i sigurimeve nga kontribuesit ka pasoja shumë të rënda për ta kur dalin në pension.

“Automatikisht do ti çojë nesër në një mungesë pensioni ose pension më të ultë”, theksoi Bido.

Astrit Hado: Më pak të ardhura do të thotë më pak pension. Ka një pasojë shumë të rëndë për ata që sot janë kontribuues dhe nuk e kuptojnë që një ditë do të bëhen pensionistë.

Mosdeklarimi apo mospagimi i kontributeve të sigurimeve shoqërore sot, kur janë në moshë aktive për punë, automatikisht do ti çojë nesër në një mungesë pensioni ose pension më të ultë.

Kur qytetarët dalin në pension është shumë e vështirë, për të mos thënë e pamundur për të korrigjuar defektet që janë lënë gjatë gjithë karrierës së punës. Është jetike sigurimi dhe pagimi i kontributeve në pagë reale. Fenomene që ndeshim janë nëndeklarim i pagës.

Deklarimi i pagave reale të punonjësve ndikojnë në kompani, pasi do të kenë më shumë punonjës.