Më shumë se 100 persona janë dënuar në atë që është gjyqi më i madh i drogës në Belgjikë. E marta shënon kulmin e dosjes Sky ECC, në të cilën operacionet e drogës në Belgjikë dhe vende të tjera evropiane u ekspozuan duke thyer mesazhe të koduara.
Kjo ditë e madhe në gjykatë është rezultat i autoriteteve që thyen miliarda mesazhe në rrjetet kriminale të aplikacionet Sky ECC dhe Encrochat.
Për dy vjet, detektivët lexuan bisedat, duke fituar për herë të parë informacion në rrjetet kriminale. Që atëherë, më shumë se 1000 njerëz nga bandat e ndryshme janë dënuar.
129 të pandehur (124 persona, katër kompani dhe një palë anonime), duke përfshirë shtetas belgë, shqiptarë, kolumbianë, algjerianë dhe francezë, ishin pjesë e disa bandave të drogës që së bashku formuan një rrjet të madh kriminal që mbikëqyrte kontrabandën dhe trafikun e kokainës dhe kanabisit.
Të martën ata morën dënimin e tyre në gjyqin më të madh të drogës në historinë belge.
Më shumë se 100 të pandehur u dënuan. Ata që prokuroria i identifikoi si kryesues morën dënime të rënda nga shtatë deri në 17 vjet.
Për shembull, 57-vjeçari algjerian Abdelwahab G., koka për importimin e drogës nga Amerika e Jugut dhe për menaxhimin e logjistikës së rrjetit të madh të drogës, u dënua me 17 vjet. Prokuroria kishte kërkuar 20 vite, ndërsa mbrojtja e tij kërkoi maksimumi 10 deri në 15 vite, me argumentin se ai ishte vetëm “ndërmjetës”. Gjykata ka konfiskuar edhe pasurinë që i përkiste atij në vlerë prej 15 milionë euro, raporton agjencia e lajmeve Belga.
Një tjetër prej drejtuesve, 51-vjeçari shqiptar Eridan M, u dënua me 14 vjet burg (një vit më pak se afati i kërkuar nga Prokuroria Federale). 20 milionë euro nga pasuria e tij janë sekuestruar.
Një figurë e tretë kyçe, Bilal I., mori 15 vjet burg dhe iu konfiskuan 3 milionë euro pasuri.
Shumica e atyre që u dënuan ishin anëtarë të rangut më të ulët të bandës. Ata morën dënime nga 14 muaj deri në 15 vjet. Me 5 vite burg u dënua edhe një ish-oficer policie, i cili u siguronte anëtarëve të bandës informacione sensitive nga bazat e të dhënave të policisë, nga të cilat një pjesë u pezullua.
9 të pandehur u liruan nga akuzat, duke përfshirë një që u ngatërrua me një autor tjetër të dyshuar për shkak se emrat e tyre ishin shumë të ngjashëm.
