Përmbytjet vdekjeprurëse që tronditën Spanjën këtë javë pas reshjeve intensive historike, janë aq të gjera dhe të rënda sa zona dukej si një det i brendshëm nga hapësira.
Shiu i një viti ra në vetëm disa orë në Spanjën lindore-qendrore të martën, duke krijuar një valë të përmbytjeve që theu brigjet e lumenjve, i ktheu rrugët në përrenj të furishëm dhe mori para makinat dhe urat.
Të paktën 155 njerëz u vranë në përmbytjet katastrofike. Pjesë të zonës tani duken si një zgjatim i Detit Balearik pasi reshjet e paprecedentë e shndërruan atë që duhej të ishte toka e thatë në një hapësirë të madhe uji, tregojnë imazhet satelitore të kapura më 30 tetor.
Ujërat e përmbytjeve shfaqen si nuanca të ndryshme blu dhe mbulojnë tokën e thatë (kafe dhe jeshile) në fillim të këtij muaji, tregojnë imazhet. Mbulimi dramatik dhe i përhapur i ujërave të përmbytjeve në zonat e brendshme pothuajse i ka kthyer zonat bregdetare në ishuj.
Rrugët ujore që vështirë se ishin të dukshme në imazhin satelitor “më parë” nga fillimi i muajit – si ai që pret në jug të qendrës së qytetit të Valencias – tani theksohen me blu të ndezur, duke treguar se sa të fryrë janë. Dhjetëra njerëz mbeten të zhdukur që nga e enjtja ndërsa përpjekjet e shpëtimit dhe rikuperimit vazhdojnë.
Reshjet e rrëmbyeshme të prodhuara këtë javë ishin rreth 12% më të rënda dhe dy herë më shumë gjasa të ndodhin tani në krahasim me një klimë para-industriale, përpara se njerëzit të fillonin djegien e lëndëve djegëse fosile, sipas një analize të shpejtë nga World Weather Attribution. Në Chiva, që ndodhet në perëndim të Valencias, 19 inç shi ranë në një periudhë tetë orësh të martën, sipas agjencisë meteorologjike të vendit, AEMET.
