Tritol godinës së marrë me qira nga Kozaku, dyshimet e para

Një sasi lënde plasëse ka shpërthyer mëngjesin e sotëm në një godinë bosh në rrugën dytësore “Tiranë-Vorë”.

Policia njoftoi se si pasojë janë shkaktuar vetëm dëme materiale.

Godina ne fjalë është marrë qira nga Kozaku, personazh i njohur i TikTok, ku pritej të bënte një investim. Nuk dihen arsyet e shpërthimit, por policia po heton mbi konflikte të mundshme.

Për të zbardhur ngjarjen policia ka sekuestruar kamerat e sigurisë dhe po punohet për identifikimin e autorëve.