Nën masa të rrepta sigurie, si u transportuan 7 emigrantët ilegalë drejt kampit të Gjadrit

Shtatë emigrantët e sjellë mëngjesin e sotëm në Lezhë u transportuan drejt kampit të Gjadrit mbrëmjen e sotme nën masa të rrepta sigurie.

Në pamjet e siguruara nga BalkanWeb shfaqet eskorta e mjeteve të policisë që shoqëron 7 emigrantët që mbërritën mëngjesin e sotëm në Shqipëri.

Mëngjesin e sotëm 8 emigrantë të jashtëligjshëm mbërritën në Shqipëri, por një prej tyre do të kthehet drejt Italisë.

Arsyet për kthimin e tij nuk janë bërë ende të ditura, ndërsa pritet që në vijim emigrantë të tjerë të mbërrijnë në territorin shqiptar në kuadër të marrëveshjes Shqipëri-Itali për procedimin e refugjatëve ilegalë të kapur në ujërat italianë.