Prokuroria e Tiranës ka dërguar në gjyq dosjen për Biznesmenin Juljan Morina, i njohur si Lul Morina dhe shoqërinë ‘Xheluks Construksion’ për ndërtim pa leje.
Gjatë hetimeve mbi Julian Morinen dhe kompaninë që ai administron, rezultoi se në periudhën 2021-2024, u konstatua se tejkaloi lejet e ndërtimit të marra për godina banimi dhe shërbime në disa raste.
Prokuroria provoi se tek Liqeni i Thatë, në Farkë, shoqëria ‘Xheluks Construksion’ ishte pajisur me leje ndërtimi për godinë banimi dhe shërbime 1,2,3,4,5 dhe 6 kate me 2 dhe 3 kate nën tokë dhe në tejkalim të saj ka shtuar sipërfaqe ndërtimi dhe volum shtesë prej 2500m2.
Ndërkohë që nga kontrollet në terren, u konstatua edhe një objekt tërësisht i ri me 7-kate dhe dy kate nën tokë, i ndërtuar pa leje ndërtimi me sipërfaqe 4622 m2. Subjekti tejkaloi lejen e ndërtimit edhe në godinat e tjera në këtë zonë, duke krijuar sipërfaqe shtesë në lartësi dhe volum me rreth 3065.8m2.
Nga hetimet u provua se eshte konsumuar vepra penale e ‘Ndërtimit pa leje’ nga shoqëria ‘Xheluks Konstruksion’ dhe shtetasi Julian Morina.
Discussion about this post