Deri në orën 08:10 të mëngjesit, Qarku Kukës është përfshirë nga reshje shiu me intensitet të ulët dhe reshje bore mbi lartësinë 750 metra.
Gjendja e rrugëve:
Të gjitha akset nacionale janë të hapura dhe qarkullohen normalisht, pavarësisht trysnisë nga rënia e gurëve, inerteve dhe borës. Subjektet kontraktore kanë punuar pa ndërprerje për të mbajtur rrugët funksionale.
Raportime nga bashkitë:
Bashkitë Kukës, Tropojë dhe Has nuk kanë raportuar problematika emergjente deri tani.
Furnizimi:
•Energjia elektrike është e garantuar në të gjithë qarkun.
•Furnizimi me ujë të pijshëm kryhet sipas orareve të përcaktuara nga D.R.U.K. Kukës.
Institucionet mbeten në gatishmëri për çdo situatë.
