Një aksident tragjik ka ndodhur mbrëmjen e sotme në aksin rrugor Vorë-Rinas, ku një përplasje mes dy automjeteve ka rezultuar fatale për njërin prej drejtuesve.
Sipas informacionit paraprak, ngjarja ka ndodhur rreth orës 18:50, duke shkaktuar humbjen e jetës së një shtetasi dhe duke ngritur pikëpyetje mbi rrethanat që çuan në këtë incident.
“Tiranë/Informacion paraprak
Më datë 23.12.2024, rreth orës 18:50, në aksin rrugor Vorë-Rinas, mjeti tip “Fiat” me drejtues shtetasin Q.H., 45 vjeç, është përplasur me mjetin tip “Audi” me drejtues shtetasin E.A.
Si pasojë e aksidentit, drejtuesi i mjetit “Fiat”, shtetasi Q.H., pasi u transportua në spital për ndihmë mjekësore, ka ndërruar jetë.
