Tre persona janë arrestuar në kryeqytet për mashtrim dhe dhunë ndaj babait dhe Policit. “Sektori për Hetimin e Krimit Financiar dhe Ekonomik ekzekutoi vendimin penal të Gjykatës së Shkallës së Parë të Juridiksionit të Përgjithshëm Tiranë, për Blerim Dacin, 34 vjeç.
Ndaj 34 vjeçarit Gjykata ka caktuar masën e sigurise “Arrest në burg”, për veprën penale “Mashtrimi me pasoja të rënda”, informoi sot policia.
Më tej policia bën me dije se u arrestua një 49 vjeçar, pasi dyshohet se ka ushtruar dhunë ndaj babait të tij. Po ashtu në prangat e bluve të Tiranës ra edhe një 26 vjeçar, pasi dyshohet se duke drejtuar mjetin në gjendje të dehur, pas ndalimit të tij ka kundërshtuar me dhunë punonjësin e policisë.
Materialet procedurale i kaluan Prokurorisë, për veprime të mëtejshme.
Discussion about this post