Përfaqësuesit e Këshillit të Ambasadorëve Shqiptarë zhvilluan një takim produktiv me Shefin e Delegacionit të BE-së në Shqipëri, Ambasadorin Silvio Gonzato.
Patëm një diskutim të hapur në lidhje me procesin e integrimit të Shqipërisë në BE, duke theksuar rëndësinë e përshpejtimit të angazhimit të shoqërisë civile në këtë përpjekje jetike. Këshilli ofroi ekspertizën dhe angazhimin e tij për të mbështetur këto përpjekje.
Këshilli i Ambasadorëve Shqiptarë nënvizoi se si mund të luajë një rol kyç në mbështetjen e punës përgatitore të institucioneve shtetërore, veçanërisht nëpërmjet nismave që synojnë edukimin dhe fuqizimin e brezit të ri.
Theksuam se, integrimi në BE ka të bëjë gjithashtu me nxitjen e lidhjeve njerëzit me njerëzit dhe përfshirjen e publikut, dhe jo vetëm përmbushjen e kritereve formale të pranimit. Këshilli i Ambasadorëve Shqiptarë dhe Delegacioni i BE-së ranë dakord mbi rëndësinë e informimit më të mirë dhe angazhimit të opinionit publik mbi procesin e integrimit.
Dimensioni rajonal i procesit të integrimit në BE për vendet e Ballkanit Perëndimor dhe rëndësia e nxitjes së mëtejshme të bashkëpunimit ndërmjet tyre u theksuan gjithashtu në takimin tonë të sotëm. KASH përsëriti përkushtimin e palëkundur për të bashkëpunuar me të gjitha palët relevante për të arritur qëllimet tona të përbashkëta.
Discussion about this post