Një 23-vjeçar është gjetur i pajetë në ambientet e Mitropolisë në Gjirokastër, ndërsa rrethanat e vdekjes së tij mbeten ende të paqarta.
I ndjeri, një i ri nga Myzeqeja, ishte jetim dhe ishte rritur në Qendrën e Kujdesit në Shën Vlash, Durrës. Mësohet se ai ishte student i Fakultetit të Teologjisë në Akademinë “Logos” në Durrës dhe kishte ardhur në Gjirokastër për një vizitë në vendin ku kishte përfunduar shkollën e mesme.
Autoritetet lokale po hetojnë shkaqet e kësaj ngjarje tragjike, ndërsa trupi i të riut është dërguar për ekspertizë mjeko-ligjore.
Ngjarja ka tronditur komunitetin lokal dhe ata që e njihnin 23-vjeçarin, duke lënë shumë pikëpyetje mbi rrethanat e vdekjes së tij.
Discussion about this post