Ka përfunduar mbledhja e qeverisë, në përfundim të të cilës ministri i Ekonomisë, Kulturës dhe Inovacionit, Bendi Gonxhja, ka njoftuar miratimin e planit të zhvillimit të detajuar që i hap rrugë krijimin e funksionimit të “Durana Tech Park”.
Ministri sqaron se synimi është krijimi i një mjedisi të veçantë ekonomik e teknologjik që ofron kushte të favorshme për zhvillimin e industrive të avancuara.
Sipas tij, në fokus është nxitja e investimeve vendase e të huaja, si dhe krijimi i një territori me regjim fiskale e doganore të lehtësuara.
“Miratuam planin e zhvillimit të detajuar që i hap rrugë krijimin e funksionimit të Durana Tech Park, si i pari park teknologjik në Shqipëri, që synojmë ta pozicionojmë si qendër të fuqishme të zhvillimit ekonomik e inovativ, i cili natyrisht do të konkurrojë në rajon dhe globalisht duke sjellë përparësi strategjike dhe zhvillim të qendrueshëm ekonomik për vendin.
Qëllimi është krijimi i një mjedisi të veçantë ekonomik e teknologjik që ofron kushte të favorshme për zhvillimin e industrive të avancuara. Fokusi i tij është të nxisë investimet vendase e të huaja e të krijojë një territor me regjim fiskale doganor të lehtësuar”, ka deklaruar ai.
Discussion about this post