Presidenti amerikan Donald Trump përgënjeshtroi raportet se SHBA dhe Izraeli do të kryejnë një sulm ushtarak ndaj Iranit, duke thënë se ai dëshiron të bëjë një marrëveshje me Teheranin.
“Unë dua që Irani të jetë një vend i madh dhe i suksesshëm, por njëkohësisht të jetë një vend pa armë bërthamore. Raportet se Shtetet e Bashkuara, në bashkëpunim me Izraelin, do të hedhin në erë Iranin janë ekzagjerime”, shkroi Trump në platformën e tij “Truth Social” .
“Unë do të preferoja shumë një marrëveshje të rishikuar të paqes bërthamore, e cila do ta lejonte Iranin të zhvillohet dhe të përparojë në mënyrë paqësore,” shkruan ai.
“Ne duhet të fillojmë të punojmë menjëherë për të dhe të kemi një festë të madhe në Lindjen e Mesme kur të nënshkruhet dhe të përfundojë. Zoti e bekoftë Lindjen e Mesme!”
Dje, Trump rivendosi “presionin maksimal” ndaj Iranit, duke përfshirë përpjekjet për të ngrirë eksportet e tij të naftës në zero, në mënyrë që të parandalojë Teheranin të marrë një armë bërthamore.
Ky veprim rikthen politikën e ashpër të SHBA-së ndaj Iranit që Trump zbatoi gjatë mandatit të tij të parë.
Irani tha më herët sot se kjo politikë “do të kthehet në një tjetër dështim”.
Discussion about this post