Kreu i Partiae Demokristiane, Nard Ndoka i ftuar në studion e Faxnews ka folur në lidhje me arrestimin e kryebashkikut të Tiranës Erion Veliaj.
Ndoka në fjalën e tij me gazetarin Albi Rakip është shprehur arrestimi i kryetarit të bashkisë së Tiranës duhet të kishte ndodhur shumë kohë më parë.
Ndoka thekson se përveç arrestimit të Veliajt, lajmi tjetër i rëndësishëm është mbështetja e republikanëve të amerikës ndaj opozitës.
“Ishte i vonuar arrestimi i Veliajt duhet të ndodhte me parë mbase në bazë të të dhënave që kishte në dosje dhe në akuzat institucionale ishte e pakuptueshme. Është një problem i madh se nuk është vetëm abuzimi me buxhetin e shtetit por këto personazhe vjedhin edhe zgjedhje. Edi Rama donte ta përdorte edhe në zgjedhje sërish, ky ishte qëllimi i tij, ishte një goditje e papritur për të. Kjo është era e ndryshimit edhe e SPAK erat që fryejnë do ta çlirojnë nga Sorrosi.
Ngjarja më e madhe për opozitën shqiptare ishte kur koalicioni opozitar në promovimin më të rëndësishëm merrlajmin për mbështetjen nga repupublikanët amerikanë. Kryetari defakto i republikanëve në ShBA që drejton primaret është e rëndësishme”, ka thënë ai.
Ndër të tjera ai ka folur edhe për mbledhjen urgjente të Ramës me drejtuesit politik.
“Ka pasur një duel e brenda partisë dhe lajmi para një jave u tha se do e mbante edhe për këtë fushatë pasi ka qenë personazh kryesor. Vendimi i tij ishte që ai ta mbante Veliaj, por tani sështë më në dorën e tij as fati i tij”, është shprehur Ndoka.
Ai është shprehur se ngjarjet e kësaj të hëne janë edhe dita e kapitullimit të Ramës dhe Rilindjes.
Discussion about this post