Ina Zhupa, gjatë fjalës së saj në Kuvend, komentoi arrestimin e kryebashkiakut të Tiranës, Erion Veliaj, duke theksuar se burgu është fati i atyre që vjedhin shqiptarët dhe që punojnë për pasurimin e tyre personal dhe të lidhjeve të ngushta. Ajo shtoi se ata që dëmtojnë Shqipërinë, duke i shkaktuar popullit mjerim, meritojnë të përballen me pasojat. Zhupa gjithashtu theksoi se ky është vetëm fillimi, duke paralajmëruar se shqiptarët do të shohin Sali Berishën krah zyrtarëve amerikanë dhe përfaqësues të Shqipërisë në forumet ndërkombëtare, duke përputhur plotësisht programin e presidentit Trump.
Ina Zhupa: Dita e sotme është vetëm fillimi ku do të shihni Sali Berishën në krahë të zyrtarëve amerikanë, Sali Berishën duke përfaqësuar Shqipërinë në të gjithë forumet më të larta dhe duke lartësuar emrin e vendit.
Një nga një të gjithë yjet tuaj, të gjithë ata që i kishit më afër kryeministrit, ose zëvendësues siç kishit Lali Erin tashmë janë ose në arrati, ose në paraburgim ose në burgim. Ky është fati i atyre që nuk punojnë për shqiptarët, që punojnë për të pasuruar familjen, miqtë dhe biznesmenët e tyre. Fati i atyre qe marrin mallkimet e nënave shqiptare teksa përcjellin fëmijët e tyre në rrugët e mërgimit.
Berisha përputhet 100% me programin e presidentit Trump. Tha dikush që këtu nuk është radhë qumështi, apo kosi, këtu është radha e shqiptarëve për të fituar. Mjaftoi radha e oligarkëve tuaj. Tani është radha e shqiptarëve për të fituar me dinjitet.
Discussion about this post