Anëtari i kryesisë së PD-së, Belind Këlliçi ka reaguar në lidhje me atë se çfarë ndodhi një ditë më parë para SPAK, ku u dha masa e sigurisë “arrest me burg” për Erion Veliajn, ndërsa mbështetës së tij kishin dalë në mbështetje.
Sipas Këlliçit në atë protestë ishin të pranishëm të gjithë punonjësit e bashkisë, ndërsa tha se policia “i la qëllimisht drejtorët e bashkisë dhe paramilitarët e Rilindjes të rrethonin SPAK-un”.
Ai tha se ‘Partia Demokratike e sheh me shqetësim përshkallëzimin e djeshëm fizik dhe verbal të dhunës kundër prokurorit Ols Dado dhe kolegëve të tij, të cilëve i’u rrezikua dhe jeta në momentet kur dolën nga ambientet e SPAK’.
Në një deklaratë për mediat, Këlliçi deklaroi se kanë nisur kërcënimet dhe ndaj gjyqtares Ilirjana Olldashi.
“Burimet tona informale na vënë në dijeni se ndaj gjyqtares Olldashi kanë filluar mesazhet, si joshëse ashtu edhe kërcënuese, për të favorizuar Erion Veliajn dhe grupin e tij kriminal dhe për të anashkaluar ligjin, siç është bërë shumë herë për megaaferat e këtij të fundit, përfshi Inceneratorin fantazmë të Tiranës dhe aferën kriminale 5D”, tha Këlliçi.
Discussion about this post