Liqeni i Shupalit në Dajt, një atraksion natyror i pasur me biodiversitet

Agjencia Kombëtare e Zonave të Mbrojtura, në një postim në rrjetet sociale, ndau pamje nga Liqeni i Shupalit në Parkun Kombëtar të Dajtit, një atraksion turistik për të apasionuarit e natyrës.

AKZM shkruan se “në Parkun Kombëtar të Dajtit mund të vizitoni Liqenin e Shupalit, një atraksion natyror shumë i bukur, i rrethuar nga kodra dhe male me vegjetacion të përzier. Bregu i liqenit është i pasur me kallamishte (Phragmites australis), të cilat luajnë një rol kyç në filtrimin natyror të ujit dhe krijimin e strehëve për shpendët ujorë.”