Kryetari i Bashkisë Shkodër, Benet Beci, vijon të japë fonde dhe të firmosë tendera abuzivë, duke duket se për pastrimin e qytetit, gjithçka mbetet vetëm në letra. Në vitin 2023, Shkodra u bë qendra e vëmendjes për premtimet e kryetarit aktual, Benet Beci, i cili prezantoi një vizion ambicioz për zhvillimin e qytetit, duke përfshirë projekte të rëndësishme që do të transformonin jetën e qytetarëve.
Megjithatë, ndërsa propaganda në rrjetet sociale vazhdon, realiteti i Shkodrës duket ndryshe, pasi rrugët e qytetit tashmë janë të papastruara, një shqetësim i ngritur nga qytetarët shkodranë.
Gjatë periudhës 2020-2025, dy kompani kryesore janë angazhuar për pastrimin: ALKO IMPEX General Construction dhe LEKA – 2007. Në vitin 2023, bashkia nënshkroi një kontratë me ALKO IMPEX me një vlerë prej 83,859,822 lekë, që u rrit më tej në vitin 2025, kur ALKO IMPEX fitoi tenderin e dhënë nga Bashkia Shkodër me vlerën prej 105,658,072 lekë.
Por, problematika e papastërtisë në Shkodër vazhdon, veçanërisht gjatë sezonit turistik, kur qyteti dhe zona kryesore pastrohen një herë në tri ditë, ndërkohë që është e përcaktuar të pastrohen dy herë në ditë. Të gjitha këto problematika të evidentuara duket se nuk e ndalin Becin të postojë atë që nuk duket pas fotove të kuruara për statuset e tij.
Discussion about this post