Informalitet në tregtimin e karburantit, Tatimet referojnë në Prokurori subjektin në Shkodër

Drejtoria e Hetimit Tatimor pranë Administratës Tatimore referoi në Prokurori një subjekt që operonte në mënyrë të paligjshme në Qendër Bushat, Shkodër.

Sipas DPT-së, subjekti tregtonte karburant me distributorë të pafiskalizuar dhe në një pikë shitjeje të paregjistruar. Tatimet bëjnë të ditur se inspektimet do të vijojnë për çdo denoncim nga qytetarët mbi parregullsitë në këtë sektor.

“Rasti u referua në prokurori për “Fshehje të të ardhurave” dhe “Prishje të vulave dhe shenjave dalluese””, bën të ditur DPT.