PULS POP/ “Po të isha kryebashkiak do zhdukja gradaçelat Sahati si kunj dhëmbësh, do shtoja lulishtet”

Nëse qytetarët do të kishin në dorë drejtimin e bashkisë qoftë edhe për një ditë, çfarë do të bënin ndryshe?

Për mikrofonin e Fax News, me gazetaren Sedjana Huna në episodin e radhës të PULS POP, disa qytetarë thonë se do të dëgjonin më shumë hallet dhe shqetësimet e njerëzve, duke e bërë bashkinë më të afërt me komunitetin.

Të tjerë do të ndalonin ndërtimet pa kriter dhe do të shembnin gradacelat që, sipas tyre, kanë zënë hapësirat publike.

Ka edhe nga ata që mendojnë për një qytet më të gjelbër, me më shumë parqe dhe lulishte për fëmijët dhe të moshuarit, duke krijuar një mjedis më të shëndetshëm dhe të jetueshëm për të gjithë.

Por a është kaq e thjeshtë të jesh kryebashkiak? Dhe sa nga këto ide do të mund të realizoheshin në realitet? Përgjigjet i morëm nga vetë qytetarët!