Universiteti Amerikan Johns Hopkins, një nga më të njohurit në botë për kërkimet mjekësore, njoftoi të enjten se po largon nga puna më shumë se 2000 vende pune në mbarë botën, për shkak të shkurtimit të shpenzimeve publike të vendosura nga administrata e Donald Trump.
Në një deklaratë, fondacioni tha se po shkurtonte 1,975 vende pune jashtë vendit dhe 247 të tjera në SHBA, pasi humbi 800 milionë dollarë nga fondet federale.
Pas kthimit në pushtet, Donald Trump njoftoi shkurtime të mëdha në buxhetin federal, në veçanti ndërprerjen e shumë programeve të Agjencisë së Shteteve të Bashkuara për Zhvillim Ndërkombëtar (USAID), duke ngritur shqetësime për ndikime serioze veçanërisht në fushën e kërkimit shkencor.
Kjo agjenci financoi programe kërkimore kritike për AIDS-in dhe sëmundjet e tjera infektive në mbarë botën.
Shkurtimet e vendeve të punës të njoftuara dje janë të lidhura drejtpërdrejt me humbjen e “më shumë se 800 milionë dollarëve në financimin e USAID”, tha universiteti në deklaratën e tij, duke shtuar se kjo do të dëmtojë punën e tij në SHBA dhe ndërkombëtarisht.
Midis punonjësve që pushohen nga puna janë anëtarë të programeve të Johns Hopkins që kryen programe kërkimore mjekësore dhe trajtimi për “nënat dhe të porsalindurit”, për “luftën kundër sëmundjeve” dhe për sigurimin e “ujit të pijshëm” të pastër”, tha universiteti me bazë në Baltimore.
Discussion about this post