Aksi rrugor Kuç-Qeparo është bllokuar si pasojë e rrëshqitjes së dherave dhe praniës së inerteve në rrugë.
Sipas njoftimit nga salla operative e Drejtorisë Vendore të Policisë Vlorë, situata është raportuar menjëherë dhe është kontaktuar Autoriteti Rrugor Shqiptar, Rajoni i Jugut, për ndërhyrjen e firmës kontraktore. Sipas burimeve, ndërhyrja pritet të nisë menjëherë për zhbllokimin e qarkullimit.
Policia mbetet në kontakt për ndjekjen e situatës dhe informacione të mëtejshme.
