Altin Nika, Drejtuesi i Urdhrit të Psikologut, ka dhënë një intervistë për Fax News, me gazetaren Sedjana Huna, ku ka folur për zhvillimet dhe qëndrimet në lidhje me autizmin. Ai ka theksuar se dikur prindërit nuk e raportonin se fëmijët e tyre ishin të prekur nga autizmi, por tani situata ka ndryshuar.
Nika ka sqaruar se nën moshën 3-vjeçare është ende e vështirë të diagnostikohet me saktësi, por pas kësaj moshe, mund të vlerësohet zhvillimi i fëmijës në lidhje me elemente të caktuar.
Ai ka falënderuar veçanërisht prindërit që janë hapur për ta pranuar diagnozën dhe kanë filluar të bashkëpunojnë me profesionistët shëndetësorë, duke theksuar rëndësinë e kësaj bashkëpunimi për përmirësimin e gjendjes së fëmijëve të prekur. Kjo është një hap i rëndësishëm në trajtimin dhe mbështetjen e fëmijëve me autizëm.
