Një automjet tip Volkswagen ka humbur kontrollin në segmentin Milot-Rrëshen të Rrugës së Kombit. Automjeti është përmbysur në një parcelë pranë rrugës dhe është përplasur me disa pemë përpara se të ndalonte.
Drejtuesi i automjetit dhe pasagjeri kanë mbetur të plagosur dhe janë dërguar në spital për ndihmë mjekësore. Disa nga kalimtarët e rastit u kanë dhënë ndihmën e parë të dëmtuarve.
Dyshohet se shkak i aksidentit ka qenë shpejtësia e lartë.
Policia ka nisur hetimet për të zbardhur rrethanat e ngjarjes.
