Drejtuesi politik i Koalicionit Euroatlantik, Lulzim Basha, ka replikuar me ironi ndaj deklaratave të kryeministrit Edi Rama mbi mbështetjen për SPAK-un. Basha pyet Ramën për shokët tek 313-ta, të kujt janë?
Ai më tej thotë se ka njeri që e beson, që Ilir Beqja, Veliaj apo Arben ‘Tigri’ vepronin pa dijeninë e kryeministrit.
Basha e mbyll videon duke thënë se vota për Ramën në 11 maj është votë për të nxjerrë shokët e tij nga burgu, ndërsa vota për Koalicionin Euroatlantik, numri 4, është votë për t’i çuar të gjithë tek 313.
“O Rame, si paske thënë sot që ti ishe pro SPAK dhe u kundër?! Po shokët tek 313 kush i ka mo Ram, unë apo ti? E Rame, kujton se do ua hedhësh njerëzve. Ka njeri që e beson mo Ram që Ilir Beqja firmoste koncensionet e shëndetësisë pa dijeninë tënde? Ka njeri që e beson që Erion Veliajt guxonte ta çonte në mend inceneratorin e Tiranës pa dijeninë tënde? Apo Arben ‘Tigri’ inceneratorët e Elbasanit dhe të Fierit. Apo Ter Koka, apo Gjush Dako? E mo Rame, e ke thon vet ti ‘fap, fap, fap’, prandaj e ke merakun mo Ram, s’ikën dot nga vallja me shokët tek 7×7-313. Sa herë bohesh gati ti me ik nga vallja, të tërheqin prap shokët nga mbrapa. Se burgu nuk është i leht për shokët mo Rame, me zi presin të mbash fjalën. Prandaj mo Ram, vota për ty në 11 maj, është vot për të nxjerr shokët e tu nga burgu mo Ram. Kurse vota për Koalicionin Euroatlantik, numri 4, është votë për t’i çuar të gjithë tek 7×7-313” – shprehet Basha.
