Një 43- vjeçar i identifikuar si Dritan Agasi është arrestuar nga Policia e Durrësit pasi posedonte armë pa leje.
Blutë kanë sekusestruar një armë zjarri pistoletë me një krehër me fishekë në cilësinë e provës materiale.
Vihen në pranga dhe 2 shtetas të tjerë, për moskallëzim krimi.
Njoftim:
Në vijim të goditjeve të njëpasnjëshme ndaj veprimtarisë kriminale të armëmbajtjes pa leje, Policia e Durrësit, bazuar në informacionet e siguruara nga inteligjenca informative, në kuadër të operacionit “Shadow”, ka goditur një rast të kësaj veprimtarie. Si rezulat, u arrestuan në flagrancë shtetasit:
D. A., 43 vjeç, banues në Durrës, për veprën penale “Mbajtja pa leje dhe prodhimi i armëve, armëve shpërthyese dhe i municionit”, pasi gjatë kontrollit në ambientet e një lokali, në lagjen nr. 11, Durrës, iu gjet një armë zjarri pistoletë me një krehër me fishekë, e cila u sekuestrua në cilësinë e provës materiale;
A. K., 47 vjeç, dhe F. B., 43 vjeç, të dy banues në Durrës, për veprën penale “Moskallëzimi i krimit”, pasi kishin dijeni për këtë rast dhe nuk kishin kallëzuar.
Materialet procedurale iu referuan Prokurorisë së Durrësit, për veprime të mëtejshme.
