Gjykata ka shpallur vendimin për Dan Hutrën, i akuzuar për vrasjen makabre të tre grave në mars të vitit 2023 në Tiranë. Hutra është dënuar me 3 burgime të përjetshme për vrasjen e Mevlute Sadikut, Hasime Dafkut dhe Etleva Kurtit.
Gjykata e konsideroi Dan Hutrën fajtor për krime të rënda që tronditën opinionin publik, duke e dënuar gjithashtu me:
-35 vite burg për tentativën për vrasje ndaj Helena dhe Kujtime Hysës
-30 vite burg për plagosjen e rëndë të Marjana Gurakuqit
-15 vite burg për armëmbajtje pa leje dhe sigurimin e kushteve për të kryer vrasje
Ngjarja që ndodhi më 1 mars 2023 u konsiderua një nga aktet më të rënda të dhunës në vend, ku brenda disa orëve, Dan Hutra kreu një seri sulmesh të dhunshme në zona të ndryshme të kryeqytetit.
Ai u arrestua pak orë pas ngjarjes, ndërsa hetimet zbuluan një plan të mirëorganizuar për eliminimin e disa grave me të cilat kishte pasur konflikte të mëparshme.
